Gatineau, 2026-03-18
Misiwe ga-oshipiihikatik: 1011-NOC2026-0047
Giizhitaa giin kinikateg wiibakitinaman gidigidoowinan: 2026-09-18
Giizhitaa giin kinikateg wiibakitinaman kina kwecikewinan: 2026-12-18
[Submit an intervention or view related documents ]
Owe mamawi wiintamakewin ga-wiincikateg omaa wiintamagewining wiibach da-niadewan iniweniwanan kaishi giishwenaniwag: Anishinaabemowin (Ojibwe), Dëne Sųłıné (Chipewyan), Innu-Aimun (Innu), Michif, Mikmaq (Mi’kmawi’simk), Mashkode Mashkigo (paskwâwinîmowin), miinawaa Zhaawanong Baffin Inuktitut (Qikiqtaaluk nigiani).
Gakina wiiyaawag omaa Gaanada onantawentanawa citepinamowach geminosek, cikiitipahikatek, miinawaa mawach gaminosek biiwaabikowin miinawaa maaciikitowin katakonikatek ga-onji-apacicikatek imaa misiswe ga-dotamowach beshikwa giizhigak epimatisich.
Ihima biiwaabikowi ga-bakitinakanech zhooniiya, ga-bimiwitowach obakitinanawa esanakatinik otanomiiwiniwa ga-dotamowach imaa Gaanada, bikishi ogimaawinan, miinawaa giiwetinok ogimaawinan cinakwecikatêk kaishi noontesek cakapikehiwewinan imaa nopamakamiik, gi-cikiiwetinok, miinawaa Anishinaabe tashiikêwinan misiwe Gaanada. Nokom giizhiigak, kawiicitowach ogii-onentanawa 70 anookiiwinan gii-onji debinawach zhooniiyanan omaa biiwaabikowi ga-bakitinakanech zhooniiya. onowêniwan anookiiwinan da-onji-isisewan ji-oshicikatekin gii onji gishiikotekin biiwaabikoons miinawaa gidoowinan ga-mocikatakonikatekin imaa 320 dashiikewinan, endasikin 56,000 wakahikanan. Onoweniwan anookiiwinan da-onji wiicicikate awashime 630 daso dibahapanens kaishi ochshicikatekin bimahotasowi miikanan miinawaa ji-oshicikatek gegat 6,000 daso dibahapanens gii-ji-biiwaabikoons ji-napikekotek imaa dashiikewinan.
Enika kicikatek ji ani minosek cakapikehikewin misiwe Gaanada, anishinaabe dashiikewinan nondesewan emikamowach gaga-isisekin ji-giidebinamowach kakishiikotek ja kabikehikanan. Eshinakecikatek, ikiweniwak ga-nokiitamowach kiishi ashotamawak ji-oshicikatek Anishinaabe debinikewin onji Anishinaabeg gashaka kinepiihikewach enanantawapamawach zhooniiyanan imaa onji piiwapikowi kapakitinakanêch zhooniiya. Owe gii-ondinakanech zhooniiya inencikate ji iikatenikatekin onji Anishinaabeg gashaka kinepiihikewach ji-gakwedêbinikatek ji-wiijijikateg iwe cakapikehikewin kaishi nondeseg imaa Anishinaabeg dashiikewinan.
Omaa wiintamakewinik ga-babamikakwetenaniwag, ikiweniwag ga-nokiitamowach omooshakinanawa ga-ishiwabanjikatek gii-inacikateg iwe biiwaabikowi ga-bakidinakanech zhooniiya anishinaabegang.
Ji-noonda-waganech Anishinaabe odigidoowinan gi-jiinendagon ji-onaji-gadeg jima kawatek misiwe wiintamakewinik owe ga-bimidojigateg ji-onji-isisek ikiweniwag ga-nokiitamowach ji-onjiisisek ji-wiijijikatekin ja-gabikehikewin ga-ishinoontesek imaa Anishinaabe dashiikewining. Iwe inkwayach, ga-nokiitamowach okadodanawa ga-wiinjikemakak mamawibiwinan imaa Anishinaabegang mekwach bimitojikateg ji-onji-isisek Anishinaabe kaishi wabandang ji-gigenjikadeg denajikaniwag.