Gatineau, 2026-03-18
Bemaadiziji zigakibiigan: 1011-NOC2026-0047
Ekwaawiiwong owi niindaawengh newen naawisijigewinan: 2026-09-18
Ekwaawiiwong owi niindaawengh nakwetamowinan: 2026-12-18[Niindaawen owi naawisijigewin maage ginowaabmdan e’nowendaagwog maziniginan]
Owi maandobiigan maanda wiindamaagewin wiiba ada temigad newen ninda iniwewinan eni zhibiigaademigag: Anishinaabemowin (Ojibway), Dëne Sųłıné (Chipewyan), Innu-Aimun (Innu), Michif, Mikmaq (Mi’kmawi’simk), Plains Cree (paskwâwinîmowin), miinwaa South Baffin Inuktitut (Qikiqtaaluk nigiani).
Kina gwaya maampii Gaanada minezin misendamowin owi penimandaagwog, mena piitigindeg, miinwaa ishpiwii gezhiibideg Waasamo-asabi mazina-igan miinwaa bemwijigaadeg giigido biiwaabikoons zhichigewin onji ensa owi ado bimaadiziwiniwaa.
Zhiwe ado Broadband Zhoonyaa, owi Nookiiwin miigwemigad owi mengidewaag gajitowin gewe gichi kiing, kiins, miinwaa waasawekamig gimaawinan awii naawitowaad owi dwewaag owi digobizowin zhiwe noondaaj bamitamagengh zaagiji odena, bigod’kamig, miinwaa Giizhaa Agaa Yaajig odenwinan maziwe Gaanada. Maanda apii, owi Anokiiwin agii wenaamdaanan 70 nankiiwinan awii debinamiwaad zhoonyaa onji owi Broadband Zhoonyaa. Ninda nankiiwina ada naadmaagemigad awii miigwengh gezhiibideg Waasamo-asabi mazina-igan miinwaa bemwijigaadeg giigido biiwaabikoons newen woshme 320 odenwinan, ayaawiwaad woshme 56,000 endaajig. Ninda nankiiwinan age ada naadmaagemigad dikobizowaad woshme 630 kilometres newen gichi bimawidaaso miikanon miinwaa zhichigaadeg gegaa 6,000 kilometres owi nagish bimaabiisingh newen odenwinan.
Aanowi maajiishkaawin agii zhichigaadeg awii ombinigaadeg dikobizowin aazhide Gaanada, Giizhaa Agaa Yaajig odenwinan anike giiwaaji minik madookidaagaaziwog owi tesinag gezhiibideg waasamo-asabi mazini-igan dikobizowin. Nakwetamowaad, owi Anokiiwin mashkowendam awii zhitowaad owi Giizhaa Agaa Yaajig aazhidewesingh onji Giizhaa Agaa Yaajig gagwedwejig nendowaabmdamiwaad zhooyaa onji owi Broadband Zhoonyaa. Maanda aazhidewesingh gajitonaa-aa awii naazhinamiwaad gibaakoganan gewe Giizhaa Agaa Yaajig gagwedwejig owi nda gashkitowaad owi naadmaagengh awii gibaakogaadeg owi dikobizowin dwewaag newen Giizhaa Agaa Yaajig odenwinan.
Zhinda maanda wiindamaagewin owi gaagwejimigewin, owi Anokiiwin maandonaanan inendamowinan owi maajiishkaachigaadeg owi Broadband Zhoonyaa ado Giizhaa Agaa Yaajig aazhidewesingh.
Noondamowin onji Giizhaa Agaa Yaajig ekidowaad dowendaagwod owi zhichigaadeg owi mashkowisin bemaadizijig zigakibiigewin zhinda biminizhigaadeg dash owi Anokiiwin adaa gashkitonaa-aa ado gajitowiniwaa owi naadmaagewaad gibaakogaadeg owi dikobizowin dwewaag onji Giizhaa Agaa Yaajig odenwinan. Odi owi eshkwaaseg, owi Anokiiwin ada zhitoon moshkin wiikimigewin gewe Giizhaa Agaa Yaajig bemaadizijig kina gwa maanda biminizhigewin awii gagwekwendaagwog newen Giizhaa Agaa Yaajig inendamowinan gichi piitendaagwog dibaajimoomigag ado gashkichigewinan.