Gatineau, 2026-03-18
Public record: 1011-NOC2026-0047
Amoptjpa pisgoatasig egot nasalsoltimg: 2026-09-18
Amotjpa pisgoatasig tan teltesasig: 2026-12-18[pisgoegiten otjit nasalsin gesnet egto nemitoon oigatigenn]
Ola maogitasig na epogtjig toateo ola otlisotimoeo : : Anishinaabemowin (Ojibway), Dëne Sųłıné (Chipewyan), Innu-Aimun (Innu), Michif, Mikmaq (Mi’kmawi’simk), Plains Cree (paskwâwinîmowin), and South Baffin Inuktitut (Qikiqtaaluk nigiani).
Emset oen Canada notatj gelolg, oelaotig, ag melgigenag Internet ag cellphone tan tel logoeg otjit emset gogei tan telasig ot nematjoagenemoeo.
Ola Broadband fund , na Commission melgi apogenamatg eoegetog , federal , provincial, ag territorial gepetnoleoel tan gisi apogenematal otan tan mo apogenemoamegig, gategel, ag elnoegatiil Canada. Gisgog , na Commission giis megengel 70 logeoagen tan emsentag apogenematimg tan oetjiag ola Broadband Fund. Ola logoeagen na epgisotag gesigaoasig Internet ag cellphone tan tel logoeg 320 otann, tan apogenmoatem natami 56,000 oentjigoomel. Ola logeoagen na nastagatag piamio 630 Kilometres aotiil , ag eltagaatag gigtjo 6,000 kilometres fibre otaan.
Giis mesgiiig gisaatasig tan atji gelolteteo tan tel nastagaatasig Canada, elnoegatiil me pogelg notatiititj gesigaoasigeoei nastagaatemg. Tan telateget Commission na igaaatog Indigenous Stream otjit elnog taan notaatitj solieoei oetjiag Broadband Fund. Ola Stream na tjiglateo tan gogeii nagengoititj elnoel otann , me na egpitjogaasigteo tan amasteg otjit elnoegatiil.
Ola nige genoatagen , na Commission maootog tan teltasoatasig ag telitasitem ola Broadband Fund Indigenous stream.
Tan tel tjigsetotjig elnog na gepmeg tan emset oen egtjiteo tan telogeg Commission tan geto teli apogenematgel tan tel nastagaatemgel Elnoegatiil. Na otetjgeoei , na Commission pemaatal tan teleoogetitag elnog ag tjigsetoatem tan teltasoltitjig me na oiagatog tan gogei gisitetasig.