Gatineau, 2026-03-18
Li Piblik reckor: 1011-NOC2026-0047
Pounistowin poor kaw-miyikawtayk nawtamoutawaywina: 2026-09-18
Pounistowin poor kaw-miyikawtayk di nashkoumowina: 2026-12-18[Ichaha nawtamoutawaywin keema wawpasta akoutowahk li dokumawn]
Mashnipayhtawin ouschi ooma weestamakaywin weeput chi-ihtakwan ishi itahtow la lawngaezh: Anishinaabemowin (Ojibway), Dëne Sųłıné (Chipewyan), Innu-Aimun (Innu), aen Michif, Mikmaq (Mi’kmawi’simk), Li promyeen Nawsyoon (paskwâwinîmowin), pi daw li Sud Baffin Inuktitut (Qikiqtaaluk nigiani).
Kahkiyow awiyek didawn Kenadaw natawayistam wayschi apatayistakwan, wayhtakihtayw, pi mitouni emamiyouhk Achimoushtawkaywin daw li computer and aen ptsi foonn pamihiwaywina poor itahtow lee zhournee ki-awpachistawina.
Shawpou sa Awashimaen Aen tawd d’arzhawn, ooki Mamamawitowak weechihiwayw ishi ayakashkaw koucheewin ouschi la federal, provayns, pi li tayritori li gouvarnimaw chi-nakatouhkawtayk youhtaypayiwin ishi tawkoupitaywin didawn kaw-kitimakin grous vil, daen grawn piyee, pi Indigene alawntour lou bor Kenadaw. Anoush akwa, Mamamawitowak kee-nawashounamwak swesawnt nakatoohkataywina chi-outistikouhk aen tawd d’arzhawn ouschi Awashimaen Aen tawd d’arzhawn. Oohin nakatoohkataywina chi-weechihiwayw chi-pimoustatahk mitouni-ayksheepayik Achimoushtawkaywin daw li computer pi aen ptsi foonn pamihiwaywina ishi pawsci trwaw sawn saenk li alawantour, pimouhtaestam ayiwawk saenkawnt sis, mil weekiwina. Oohin nakatoohkataywina chi-weechistow chi-takoochik poor ayiwawk sis mil trwawnt kilometres ouschi kischee pimouhtachikaywin lee shmaen pi ouschikawtayw kaykwawt sis mil kilometres ouschi watapeewiyawkan ishi alawntour.
Awta yahkouhtaywin kee-ousihtaniwan chi-zaenproov tawkoupitaywina lout bor Kenadaw, Indigene li alawntour ahkamay ooshami moushtawak namou kaw-ihtakounayik ouschi mitouni-ayksheepayik takoowin. Didawn ripoond, Mamamawitowak kee-itayimoowak ishi oushistawin Indigene nishouhkamakaywin poor Indigene lee kawnjeudaw kaw-natounahkik aen tawd d’arzhawn ouschi Awashimaen Aen tawd d’arzhawn. Ooma nishouhkamakaywin itayimoow chi-ashayna muwnayshkawkaywina poor Indigene lee kawnjeudaw avek itayimoowin chi-weechistaw kaw-kipouna tawkoupitaywina youhtaypayiwin poor Indigene li alawntour.
Didawn ooma weestamakaywin ouschi nakatayistamouwin, Mamamawitowak mamawinamwak lee veu ouschi oushistawin Awashimaen Aen tawd d’arzhawn sa Indigene nishouhkamakaywin.
Peestamouwin ouschi Indigene peekishkwaywin si nissisayr chi-oushistawin shouhkaniwawn piblik rekor didawn ooma paminikaywin akousheeshi aykwawnima Mamamawitowak chikee kashkihouwak sa itayimoowin chi-kipouna tawkoupitaywina youhtaypayiwin poor Indigene li alawantour. Aykwawnima ouschi, Mamamawitowak chi-paminamwak mishtahi mamouwitoohkamawkaywin avek Indigene li moond shawpou ooma paminikaywin chi-kayschinahow aykwawnima Indigene li veu miyeu-weechistow sa keeshistowina.