ᑳᑎᓄ, 2026-03-18
ᑭᒃᑯᑐᐃᓐᓇᕐᓄᑦ ᑎᑎᕋᖅ: 1011-NOC2026-0047
ᐃᓱᓕᕕᒃᓴᖓ ᑐᓂᓯᓗᓂ ᐱᐅᓯᕚᓪᓕᕈᑎᒃᓴᓄᑦ : 2026-09-18
ᐃᓱᓕᕕᒃᓴᖓ ᑐᓂᓯᓗᓂ ᑭᐅᓯᔾᔪᑎᓄᑦ: 2026-12-18[ ᑐᓂᓯᓗᑎᑦ ᐱᐅᓯᕚᓪᓕᕈᑎᒃᓴᓄᑦ ᐅᕝᕙᓘᓐᓃᑦ ᑕᔪᓐᓇᖅᑕᑎᑦ ᑎᑎᖃᑦ ᐅᕙᓂ]
ᐅᓇ ᓇᐃᓈᖅᓯᒪᔪᖅ ᑕᒪᑐᒥᖓ ᑐᓴᒐᒃᓴᖅ ᐊᑐᐃᓐᓇᐅᓕᕐᓂᐊᖅᑐᖅ ᐅᑯᓇᓂ ᐅᖃᐅᓯᕐᓂ: ᐊᓂᔅᓈᐱᒍᐃᓐ (ᐅᔾᔨᕕᐄ), ᑎᓂᐃ ᓱᓪᓂ (ᓯᐱᒍᐊᓐ), ᐃᓄ-ᐊᐃᒪᓐ (ᐃᓄ), ᒥᓯᕝ, ᒥᒃᒫᒃ (ᒥᒃᒪᒍᐃᓯᓐᒃ), ᑯᓕᐄ (ᐸᔅᒃᒍᐊᒍᐃᓐᓂᒧᒍᐃᓐ), ᐊᒻᒪᓗ ᓂᒋᐊ ᕿᑭᖅᑖᓗᑦ ᐃᓄᒃᑎᑐᑦ (ᕿᑭᖅᑖᓗᒃ ᓂᒋᐊᓂ).
ᑭᓇᑐᐃᓐᓇᖅ ᑲᓇᑕᒥ ᐊᑐᕆᐊᖃᖅᑐᖅ ᐊᑑᑎᖃᖅᑐᒥᒃ, ᐊᑭᑐᓐᖏᑦᑐᒥᒃ, ᐊᒻᒪᓗ ᓱᒃᑲᔪᒥᒃ ᐃᑭᐊᕿᕕᒃ ᐊᒻᒪᓗ ᐅᖃᓘᑎᕋᓛᖅ ᐱᔨᑦᑎᕋᐅᑎᖏᓐᓂᒃ ᑕᒪᐃᓐᓂ ᖃᐅᑕᒫᑦ ᐊᑐᖅᐸᒃᑕᒥᖕᓄᑦ ᐃᓅᓯᕐᒥᖕᓂ.
ᑕᕝᕘᓇ ᓱᒃᑲᔪᒃᑯᑦ ᖃᕆᓴᐅᔭᓕᕆᔾᔪᑎᑦ ᖃᖓᑦᑕᖅᑎᑕᐅᓯᒪᔪᓄᑦ ᐊᑕᑎᑦᑎᓂᖅ ᑮᓇᐅᔭᒃᓴᖓ, ᐅᑯᐊ ᑲᒥᓴᒃᑯᑦ ᐃᑲᔫᑎᓂᐊᖅᑐᖅ ᑕᒪᐃᓐᓄᑦ ᐱᓕᕆᐊᖑᒐᓱᐊᖅᑐᖅ ᒐᕙᒪᑐᖃᒃᑯᑎᒍᑦ, ᑲᓇᑕᒥ ᐊᕕᒃᑐᖅᓯᒪᔪᑦ, ᑎᐅᓕᑐᐊᓕᔅ ᒐᕙᒪᒃᑯᑦ ᐱᓕᕆᐊᕆᓗᒍ ᐃᖅᐸᖅᓯᒪᔪᖅ ᖃᖓᑦᑕᖅᑎᑕᐅᓯᒪᔪᒧᑦ ᐊᑕᔾᔪᑎᑦ ᐱᔨᑦᑎᕋᓐᖏᓗᐊᕐᒪᑦ ᐃᓄᑭᓐᓂᖅᓴᐅᔪᓂ ᓄᓇᓕᖕᓄᑦ, ᐅᖓᓯᒃᑐᒥ ᓄᓇᓕᖕᓄᑦ, ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᓕᖏᓐᓄᑦ ᑕᒪᐃᓐᓂ ᑲᓇᑕᒥ. ᒫᓐᓇᒧᑦ, ᑲᒥᓴᒃᑯᑦ ᓂᕈᐊᖅᓯᓯᒪᕗᑦ 70 ᐱᓕᕆᐊᒃᓴᓂᒃ ᑮᓇᐅᔭᒃᓴᖅᑖᕆᐊᓕᑦ ᓱᒃᑲᔪᒃᑯᑦ ᖃᕆᓴᐅᔭᓕᕆᔾᔪᑎᑦ ᖃᖓᑦᑕᖅᑎᑕᐅᓯᒪᔪᒧᑦ ᐊᑦᑕᑕᐅᑎᑦ ᑮᓇᐅᔭᒃᓴᖓᓂᒃ. ᐅᑯᐊ ᓴᓇᔭᐅᔪᑦ ᐃᑲᔪᕐᓂᐊᖅᑐᑦ ᓱᒃᑲᒃᑎᓪᓗᓂ ᐃᑭᐊᕿᕕᑦ ᐊᒻᒪᓗ ᐅᖃᓘᑎᕋᓛᑦ ᐱᔨᑦᑎᕋᐅᑎᑦ ᑎᑭᐅᒪᓕᕐᓗᑎᒃ 320 ᓄᓇᓕᖕᓄᑦ, ᑭᒡᒐᖅᑐᐃᔪᑦ ᐅᖓᑖᓄᑦ 56,000 ᐃᒡᓗᑦ. ᐅᓇ ᐱᓕᕆᐊᖑᔪᖅ ᐃᑲᔪᕐᓂᐊᖅᑐᖅᑕᐅᖅ ᐊᑦᑕᑕᖅᑎᑦᑎᓯᒪᓗᓂ ᐅᖓᑖᓄᑦ 630 ᑭᓚᒦᑕᔅ ᐊᖏᔪᓄᑦ ᓄᓇᓯᐅᑎᓄᑦ ᐊᖁᑎᑯᑖᑦ ᐊᒻᒪᓗ ᐋᕿᒃᓱᕐᓗᒋᑦ ᖃᓂᒋᔮᓂ 6,000 ᑭᓚᒦᑕᔅ ᐊᓕᒎᔭᖅ ᐅᐊᔭ ᓄᓇᓕᖕᓄᑦ.
ᑕᐃᒪᓗ ᐱᕙᓪᓕᐊᑎᐊᖅᑎᓪᓗᒋᑦ ᐱᐅᓯᕚᓪᓕᖅᐸᓪᓕᐊᓗᓂ ᖃᑦᑕᖅᑎᑕᐅᓯᒪᔪᒧᑦ ᐊᑕᓂᖅ ᑕᒪᐃᓐᓂ ᑲᓇᑕᒥ, ᓄᓇᖅᑲᖅᑳᖅᓯᒪᔪᑦ ᓄᓇᓕᖏᑦ ᑲᔪᓯᕗᑦ ᐊᖏᓂᖅᐹᒥᒃ ᐊᒃᑐᖅᑕᐅᔪᑦ ᐊᑐᐃᓐᓇᖃᓐᖏᓪᖢᑎᒃ ᓱᒃᑲᔪᓂᒃ ᐊᑦᑕᑕᐅᑎᓂᒃ ᖃᕆᓴᐅᔭᕐᓄᑦ. ᑭᐅᓯᔾᔪᑎᒋᓗᒍ, ᑲᒥᓴᒃᑯᑦ ᐊᖏᖅᓯᒪᑦᑎᐊᖅᑐᑦ ᐱᕙᓪᓕᐊᑎᑦᑎᓗᑎᒃ ᓄᓇᖅᑲᖅᑳᖅᓯᒪᔪᓂᒃ ᐊᑦᑕᑕᕈᓐᓇᕐᒥᓗᑎᒃ ᓄᓇᖅᑲᖅᑳᖅᓯᒪᔪᑦ ᐱᓇᔪᒍᑎᖏᑦᑎᒍᑦ ᐅᑯᐊᓗ ᕿᓂᖅᑐᑦ ᑮᓇᐅᔭᒃᓴᓂᒃ ᑖᔅᓱᒪᖓᑦ ᓱᒃᑲᔪᒃᑯᑦ ᖃᕆᓴᐅᔭᓕᕆᔾᔪᑎᑦ ᖃᑦᑕᖅᑎᑕᐅᓯᒪᔾᔪᑎᑦ ᐊᑦᑕᑕᐅᑎᖏᑦ ᑮᓇᐅᔭᒃᓴᖅ. ᐅᓇ ᐊᑦᑕᑕᐅᑎ ᑐᕌᕆᔭᓕᒃ ᒥᑭᒡᖠᒋᐊᖅᑎᓪᓗᒋᑦ ᑐᓗᖅᑕᐅᑎᑦ ᓄᓇᖅᑲᖅᑳᖅᓯᒪᔪᓄᑦ ᐱᓇᔪᒃᑐᓄᑦ ᑐᕌᖅᑐᑦ ᐃᑲᔪᕈᒪᓪᓗᑎᒃ ᒪᑐᓂᐊᕐᒪᑦ ᖃᖓᑦᑕᖅᑎᑕᐅᓯᒪᔪᓄᑦ ᐊᑦᑕᑕᐅᑎᑦ ᐃᖅᐸᖅᓯᒪᔪᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓄᑦ.
ᐅᓇ ᑐᓴᖅᑎᑦᑎᓂᖅ ᑐᑭᓯᓇᓱᖃᑎᒌᒍᒪᓪᓗᑎᒃ, ᑲᒥᓴᒃᑯᑦ ᓄᐊᑦᑎᓂᐊᕐᒪᑕ ᑕᐅᑦᑐᕆᔭᐅᔪᓂᒃ ᓴᕿᑕᐅᓂᖓᓄᑦ ᑕᒪᓐᓇ ᓱᒃᑲᔪᒃᑯᑦ ᖃᕆᓴᐅᔭᖃᕐᑎᑦᑎᓂᕐᒧᑦ ᖃᖓᑦᑕᖅᑎᑕᐅᓯᒪᔪᒧᑦ ᐊᑦᑕᑕᐅᑎᖏᓐᓄᑦ ᑮᓇᐅᔭᒃᓴᖅ ᓄᓇᖅᑲᖅᑳᖅᓯᒪᔪᓄᑦ.
ᑐᓴᕐᓗᑕ ᓄᓇᖅᑲᖅᑳᖅᓯᒪᔪᑦ ᓂᐱᖏᓐᓂᒃ ᐱᒻᒪᕆᐅᔪᖅ ᓴᕿᑦᑎᓂᐊᕐᓗᑕ ᑕᒪᐃᓐᓄᑦ ᑭᒃᑯᑐᐃᓐᓇᓄᑦ ᑎᑎᕋᖅᑕᐅᓯᒪᒋᐊᓕᖕᓄᑦ ᐅᓇ ᐱᕙᓪᓕᐊᑎᑕᖓ ᑕᐃᒪᓗ ᑲᒥᓴᒃᑯᑦ ᐱᔭᕇᖅᓯᓂᐊᕐᒪᑕ ᑐᕌᖅᑕᒥᖕᓄᑦ ᐃᑲᔫᑎᒋᓇᓱᐊᖅᑕᒥᖕᓄᑦ ᖃᖓᑦᑕᖅᑎᑕᐅᓯᒪᔪᒧᑦ ᐊᑦᑕᑕᐅᑎᑦ ᐃᖅᐸᖅᓯᒪᔪᓄᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂ. ᐃᓱᓕᔾᔪᑎᒋᓗᒍ, ᐅᑯᐊ ᑲᒥᓴᒃᑯᑦ ᐱᓕᕆᐊᖃᕐᓂᐊᖅᑐᑦ ᑕᒪᐃᓐᓂᒃ ᑲᑎᒪᖃᑎᖃᕐᓗᑎᒃ ᓄᓇᖅᑲᖅᑳᖅᓯᒪᔪᓂᒃ ᑕᒪᐃᓐᓄᓕᒫᖅ ᑕᒪᑐᒥᖓ ᐱᓕᕆᕙᓪᓕᐊᔭᓕᒫᒥᖕᓄᑦ ᑕᐃᒪᓗ ᓄᓇᖅᑲᖅᑳᖅᓯᒪᔪᑦ ᑕᐅᑦᑐᖏᑦ ᑐᑭᖃᖅᑐᒥᒃ ᐋᕿᑎᖃᑎᒌᑦᑎᐊᕐᓂᐊᕋᑦᑕ.