Gatineau, 18-03-2026
Mashinaikan : 1011-NOC2026-0047
Ishpish tshishtuakanit petshitinakanit tshetshi auen patshitinak utaimun:18-09-2026
Ishpish tshishtuakanit tshetshi kueshte aimun patshitinakanit: 18-12-2026
Anite e takuashit e uitakanit ume petshitinakanit aimun shash aieshkushteu ute umenua aimuna : anishinaabemowin (ojibwé), cri anite ka tatakuanit assinu ka taht (paskwâwinîmowin), dëne sųłıné (chipewyan), innu-aimun (innu), michif, micmac (mi’kmawi’simk) mak qikiqtaaluk nigiani (inuktitut natimit Baffin).
Kassinu auenitshenat Kanata-assit ka taht tshi pitutshetshenat anite atusseu-katshitapatakannit mak anite kaiminannut ka pami-takunakanniti e shutshenitakuanniti, e tshi uanasse katshitinakaniti mak e minuati muku anite eshinakuak eshakumitshishikua inniun.
Tsheshu tekuannit nenu Shunianu tshetshi mishue tapishinnannut, ne Kaussei mishta-minu-uauitshiaushiu eshi-patshitinaminiti Utaua-tshishe-utshimaua, tatipan assia ute Kanata-assit mak nenua assia tshiuetinit, tshetshi ut pitutepaniht kie uinuau anitshenat kataku upime mamu ka taht innuat eka ka minu-tutuakaniht ute Kanata-assit. Kashikaniti, ne Kaussei naushunamupan 70 atusseuna ua tutakaniti tshe katshitinahk Shunianu tshetshi tapishinnannut. Nenua atusseuna ua tutakaniti tshika uitshiueua tshetshi takuak atusseu-katshitapatakanit ka tshishipanit mak nenua kaiminanukau ka pami-takunakaniti uiesh 320 anite mamu ka tananut, uiesh anu 56 000 kautishkuemiht. Nenua atusseuna ua tutakaniti iapit tshika uitshiueua tshetshi tapishinanut 630 km mishta-meshkanaua mak tshetshi itamuiakaniti 6 000 km utatshishia tshetshi petakuak kie ma tshitapatakanit atusseu-katshitapatakanit ishpanitakaniti anite mamu auenitshenat ka taht.
At ut tshi aiat minutakanit atusseun tshetshi tapishimakaniht auenitshenat mishue ute Kanata-assit, innu-assia iapit katshitaukuht eka tepishkushtenit usham ne e nutepanit tshetshi tshishipanit ne katapishinanut atusseu-katshitapatakanit mak kaiminanut. Ume kueshte aimun, ne Kaussei issishuepan tshetshi atushkatak nenua eshi-natuenitaminiti innua nianatuapatahk Shunianu tshetshi tapishimitishuht. Ne uet tutakanit tshetshi eka ishpish animiuht innuat ka natuenitahk tshetshi aitutuakaniht, tshetshi ut kie uinuau eka upime anakaniht ne e uitakanit katapishimitishunanut innit.
Ute ume netu-tshissenitakanit, ne Kaussei natuenitamu tshetshi minakanit aimunnu tshetshi eshi-atushkatet nenu innuat kiatshitaukuht Shunianu tshetshi tapishimitishuht.
Mishta-apatan tshetshi petuakaniht innuat tshetshi atushkatet tshetshi shukashinakuak ne mashinaikan mamu ka tananut anite ne anutshish eshi-pimutenanut tshetshi ut ne Kaussei utitaik nenu ua utitaik tshetshi uauitshiat upime mamu ka taniti innua anite utassinnit. Eku, ne Kaussei tshika mishta-aiatshipanitau anite innit tshe ishpish ume atushkatakanit tshetshi ut uinuau eshi-uapatahk tshetshi tapue tshikanakuannit eshpannit atusseunnu.