Ottawa, 16 Edaedzęę̀cho Zaà 2025
Dǫne T’ala Yèɂı̨ Ha Dı̀le: 8622-S93-202008482, 1011-NOC2020-0367, eyıts’ǫ 1011-NOC2022-0147
Canada k’ezhı̀ dǫne nàdè sı̀ı dzęę̀tąt’e ets’enda gha dı̀ı wet’à ełets’ǫ̀ gots’ede k’ets’ele sı̀ı gogha hotı nezı̨ etłe, detı̀-le eyıts’ǫ hotı nezı̨ hòlı̨ ts’ı̨wǫ.
Canada k’ezhı̀ dǫne nàdè ełexè gogede agets’ele ha wı̨ı̨̀dı-le eyıts’ǫ adı̨ dǫne nàdè dǫne łǫ neèhò sı̀ı̀ detı̀; edzanèk’e, ası̀ı łǫ gınądą whela eyıts’ǫ gıgha sı̀ı, ası̀ı sı̀ı̀ detı̀. Canada k’ezhı̀ nèk’e nàeta ha dè edzanèk’e t’a 40% ndè haı̨̀cho gıts’ǫ, 0.3% Canada gha nàetà. Edzanèk’e kǫ̀ta yàgola sı̀ı tanıɂǫ̀ akǫ nàts’ede ha dè ts’et’a zǫ t’à akǫ ats’et’ı̨. Dı̀ı hanı̀ whacho kǫ̀ta yàgola sı̀ı gogha wı̨ı̨̀dı-le eyıts’ǫ ası̀ı hohłè ha dè sı̀ı̀ detı̀ xè sets’ı̨whǫ ha sı̀ı gogha dezhı̀ at’ı̨.
Dı̀ı edàanı̀ weghàlada ha sı̀ı, Commıssıon ayı̀ı seè gıgha ayı̀ı whela sı̀ı t’a weghà gıghàlada ha, ası̀ı hazhǫ edzanèk’e gıxè edàgǫ̀ht’e weghà dǫne ts’àgedı ha. Hazhǫ t’à, 250 dǫne kaɂa yàgohłı̨ sı̀ı, dǫne wetąt’e, eyıts’ǫ amı̀ı seè dı̀ı wet’à ełets’ǫ̀ gots’ede gohłı̨ sı̀ı (ISPs) dedı̨ sı̀ı dı̀ı la weghǫ edàagı̨wǫ sı̀ı weghǫ hagedı, 23 dǫne Whıtehorse, Yukon goxè łegèadı̀ xè gogèakw’ǫ. Dı̀ı dǫne edàagedı weghà: Commıssıon dı̀ı gondı ehkw’ǫ:
Dı̀ı nàowo weghà eghàlahoda weghà Commıssıon dı̀ı la wets’ǫhk’e wek’e eghàlahoda ha.
Akwełǫ̀, sı̀ı̀ dǫne gha detı̀a-le gha, Commıssıon sa tąt’e dǫne gha detı̀a-le gha gots’àgedı ha. Dǫne hazhǫ edzanèk’e nàdè, dı̀ı hanı nàgehdı ha dè gıts’àdı ha dı̀le, fǫ̀ edàawhı̀t’ı̨ t’àget’ı neèhò ı̨ła gıts’àdı ha. Dı̀ı edàanı̀ agele ha weghǫ nı̨htł’è hazhǫ segı̨̀la tł’axǫǫ̀ dè dı̀ı dzęę̀ k’e weghǫ hagedı ha.
Nàke t’à, deèɂǫ̀ nezı̨ adle ha eyıts’ǫ Edzanèk’e dı̀ı satsǫ̀ wet’à ełets’ǫ̀ gots’ede nezı̨ adle ha dè, Commıssıon Northwestel Inc. (Northwestel), Edzanèk’e satsǫ̀ wet’à ełets’ǫ̀ gotsede dı̀ı hanı̀ gıghàlada ha:
Taı t’à, Edzanèk’e satsǫ̀ wet’à ełets’ǫ̀gots’ede deèɂǫ̀ segı̨̀hwhǫ ha dè eyıxè dı̀ı hanı ładı̨ gohłı̨ dè wet’à deèɂǫ̀ nezı̨ gıghàlada ha. Dı̀ı la wet’à companies mǫhdaà Northwestel gıts’ǫ satsǫ̀ wet’à ełets’ǫ̀ gots’ede dǫne mǫhdaà eyıts’ǫ dǫne mǫhdaà whacho edegha eghàlagı̀de gıt’àt’ı̨ı̨̀ agehɂı̨. Dı̀ı la deèɂǫ̀ nezı̨ agı̨̀la nı̨dè wet’à dı̀ı dǫne gıt’àget’ı̨ sı̀ı eyıts’ǫ wet’à dı̀ı satsǫ̀ wet’à ełets’ǫ̀ gots’ede deèɂǫ̀ nezı̨ etłe agele ha.
Nǫ̀de t’à, Commıssıon dı̀ı hagı̨̀wǫ, dı̀ı nàowo ładı̨ agı̨̀la nı̨dè wet’à dǫne sǫłı̨ deèɂǫ̀ nezı̨ dǫne sołı̨ gıxè senàgogele ha gı̨wǫ. Dı̀ı t’ahsı̀ı̀, dı̀ı nàowo dı̀ı hagele ha:
Dı̀ı nàowo weghǫ gots’ede ghà, Commıssıon dǫne sǫłı̨ goxè gogede, dǫne xè łegehdı ha, dǫne xè łegehdı dè Canada k’ezhı̀ ayı̀ı edàatłǫ nàowo wegògıhɂǫ weghǫ dǫne xè gogede ha, dǫne kǫ̀ta nàde xè, eyıts’ǫ dǫne gots’ǫ̀ geètł’è ghà sı̀ı gogı̨hwhǫ xè goxèagı̀t’ı̨ı̨̀ gı̨wǫ. Edàatłǫ nàowo nàgehtsı̨ sı̀ı sı̀ı̀ weghǫ enèegıhsha xè dı̀ı gondı nàgehtsı̨ sı̀ı sı̀ı̀ gıgha wet’aɂà wet’à nàowo nàgeètł’è ha.
Commıssıon wela ts’ǫhk’e dǫne sǫłı̨ netłǫgǫǫ̀ goxè aget’ı̨ gha eyıts’ǫ ası̀ı gıxè ładı̨̀ nı̨dè eyıts’ǫ dǫne sǫłı̨ edàanı̀ gıxè hòɂǫ xè nàowo edàatłǫ gıts’ǫ ghà sı̀ı nàeta ha, Commıssıon Dǫne Sǫłı̨ Gıxè Eghàlagı̀de ha dǫne łą̀ negogı̨wa xè gehtsı̨. Commıssıon wenı̨htł’èkǫ̀ amı̀ı dǫne sǫłı̨ goxè gode xè goxè eghàlada ha dǫne la k’e nègogı̨̀htı̨ eyıts’ǫ edàanı̀ dǫne sǫłı̨ goxè eghàlagı̀de ha sı̀ı deèɂǫ̀ nezı̨ adle ha, eyıxè edàanı̀ Commıssıon goxè eghàlada ha sı̀ı wets’àdagede ha.
Dı̀ı weghà eghàlats’eda nàowo sı̀ı edàanı̀ dı̀ı la wek’e eghàlada ha sı̀ı Edzanèk’e deèɂǫ̀ nezı̨ satsǫ̀ wet’à ełets’ǫ̀ gots’ede seèdle ha. Dı̀ı hanı nàowo sets’ı̨̀la nı̨dè dǫne edzanèk’e nàdè sı̀ı̀ gıgha wet’aɂà wet’à dı̀ı dzęę̀ k’e sı̀ı̀ gıgha wet’aɂà xè wet’à hotı nezı̨ egenda xè gıxè nexı̨ hòɂǫ ha. Commıssıon dı̀ı wet’à ełets’ǫ̀ gots’ede satsǫ̀ ats’ǫ wexogıhdı ha, edàanı̀ Edzanèk’e dı̀ı la etłe wexòedı ha eyıts’ǫ ası̀ı ładı̨ adle ha dè hagele ha.