ᐋᑐᕚ, 16 ᔭᓄᐊᕆ 2025
ᑭᒃᑯᑐᐃᓐᓇᕐᓄᑦ ᑎᑎᖅᑲᑦ: 8622-S93-202008482, 1011-NOC2020-0367, ᐊᒻᒪᓗ 1011-NOC2022-0147
ᑲᓇᑕᒥᐅᑦ ᐱᔭᕆᐊᖃᖅᐳᑦ ᐊᑐᕈᓐᓇᕐᓂᕐᒥᒃ ᐊᑐᖅᑕᐅᑦᑎᐊᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒃ ᐱᐅᔪᒻᒪᕆᖕᒥᒡᓗ ᑐᓴᐅᒪᑎᑦᑎᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᑕᒪᐃᓐᓄᑦ ᖃᐅᑕᒫᑦ ᐃᓅᓯᕆᕙᒃᑕᖏᓐᓄᑦ.
ᑲᑎᑎᑦᑎᓂᖅ ᑲᓇᑕᒥᐅᓂᒃ ᐊᔪᕐᓇᖅᑑᕗᖅ ᐊᑭᑐᓪᓗᓂᓗ ᐃᓄᒋᐊᓛᖑᒐᓗᐊᖅᖢᓂ ᑲᓇᑕᒥ; ᐅᑭᐅᖅᑕᖅᑐᒥ, ᐊᒃᓱᕈᕐᓇᖅᑐᑦ ᐊᒻᒪ ᐊᑭᖏᑦ ᐊᑭᑐᓂᖅᓴᐅᕗᑦ. ᐅᑭᐅᖅᑕᖅᑐᒥ 40%−ᐸᓗᖕᒥ ᑲᓇᑕᐅᑉ ᓄᓇᖁᑎᒋᖕᒪᒍ, ᐊᖏᕐᕋᕆᔭᐅᕗᖅ 0.3%−ᒧᑦ ᑲᓇᑕᐅᑉ ᐃᓄᖏᓐᓄᑦ. ᓇᑉᐸᓪᓗᐊᖏᑦ ᐅᑭᐅᖅᑕᖅᑐᒥ ᓄᓇᓖᑦ ᐅᖓᓯᒃᑐᒦᑉᐳᑦ ᖃᖓᑕᓲᒃᑯᑦ ᑭᓯᐊᓂ ᐅᐸᒃᑕᐅᔪᓐᓇᑐᐃᓐᓇᖅᖢᑎᒃ. ᑕᒪᓐᓇ ᐅᖓᓯᒋᒐᓗᐊᖅᖢᒍ ᐊᒃᓱᕈᕐᓇᕐᒪᑦ ᐊᒻᒪ ᐊᑭᑐᓪᓗᓂ ᓴᓇᒋᐊᒃᓴᖅ ᐊᒻᒪ ᑲᔪᓯᑎᑦᑎᓂᐊᕐᓗᓂ ᑐᓴᐅᒪᔪᓕᕆᔾᔪᑎᓂᒃ.
ᑐᓴᖅᑎᓪᓗᒋᑦ ᑖᒃᑯᐊ ᐱᓕᕆᐊᖑᕙᓪᓕᐊᔪᑦ, ᐃᒥᐊᓗᓕᕆᔨᕐᔪᐊᒃᑯᑦ ᖃᐅᔨᔪᒪᓚᐅᖅᐳᑦ ᐃᑲᔫᑕᐅᔪᒪᓪᓗᑎᒃ ᐱᔾᔪᑕᐅᓪᓗᐊᑕᖅᑐᓄᑦ ᐱᔾᔪᑕᐅᓲᓄᑦ ᓂᐅᕕᖅᐸᒃᑐᓄᑦ ᐊᒻᒪ ᓇᖕᒥᓂᖃᕐᕕᐅᔪᓄᑦ ᐅᑭᐅᖅᑕᖅᑐᒥ. ᑲᑎᖦᖢᒋᑦ, 250 ᐅᖓᑖᓂ ᑲᑎᙵᔪᑦ, ᐃᓄᐃᑦ, ᐊᒻᒪ ᐃᑭᐊᖅᑭᕕᓕᕆᔩᑦ (ISPs) ᐃᓱᒪᒋᔭᒥᓂᒃ ᑐᓴᖅᑎᑦᑎᓚᐅᖅᐳᑦ, 23-ᖑᓪᓗᑎᒃ ᐃᓚᐅᓚᐅᖅᑐᑦ ᐃᓄᓕᒫᓂᒃ ᑲᑎᒪᑎᑦᑎᔪᓂᒃ ᐅᐊᐃᑦᕼᐅᐊᔅ, ᔫᑳᓐᒥ. ᑖᒃᑯᑎᒎᓇᖅ ᑐᓐᓂᖅᑯᑎᖃᕐᓂᒃᑯᑦ, ᐃᒥᐊᓗᓕᕆᔨᕐᔪᐊᒃᑯᑦ ᐃᒪᓐᓇ ᑐᓴᓚᐅᖅᐳᑦ:
ᑕᕝᕙᓂ ᐊᑐᐊᒐᐅᔪᒥᑦ, ᑲᑎᒪᔩᑦ ᖃᓄᐃᓕᐅᖅᐸᓪᓕᐊᕗᑦ ᐃᑲᔪᕋᓱᐊᖅᑐᑎᒃ ᑕᒪᒃᑯᓂᖓ ᐃᓱᒫᓘᑎᐅᔪᓂᑦ.
ᓯᕗᓪᓕᕐᒥ, ᐊᑭᓂᒃ ᐊᑭᓕᖅᓱᐃᓂᖅᓴᐅᖁᓪᓗᒋᑦ, ᐃᒥᐊᓗᓕᕆᔨᕐᔪᐊᒃᑯᑦ ᓴᖅᑭᑦᑎᕗᑦ ᑕᖅᑭᑕᒫᑦ ᐃᑲᔫᑎᒥᒃ. ᐃᓪᓗᖃᖅᑐᓕᒫᑦ ᐅᑭᐅᖅᑕᖅᑐᒥ ᐃᑲᔪᖅᑕᐅᒍᓐᓇᕐᓂᐊᖅᑐᑦ, ᖃᓄᐃᑦᑑᒐᓗᐊᖅᐸᑕ ᖃᕋᓴᐅᔭᒃᑯᑦ ᑐᔪᐃᔾᔪᑎᖏᑦ. ᐃᓗᓕᖏᑦ ᐃᑲᔫᑎᐅᑉ ᐱᔭᕇᖅᑕᐅᓂᐊᖅᑐᑦ ᐅᓪᓗᒥ ᓴᖅᑭᑕᐅᓗᓂ.
ᐊᐃᑉᐸᖓ, ᐊᖏᒡᓕᒋᐊᖅᑎᑦᑎᔪᒪᓂᕐᒧᑦ ᐱᐅᓂᕆᔭᖓᓂᒃ ᐊᑐᖅᑕᐅᑦᑎᐊᕈᓐᓇᕐᓂᖓᓂᒡᓗ ᐃᑭᐊᖅᑭᕕᖕᒧᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᐅᕙᓂ, Far North,ᑲᒥᓴᒋᔭᐅᔪᖅ ᐱᔭᕆᐊᖃᖅᐳᖅ Northwestel Inc.−ᑯᓐᓂᒃ (Northwestel−ᑯᓐᓂᒃ), ᐃᓂᑖᖅᑎᑕᐅᓯᒪᔪᖅ ᐱᑎᑦᑎᕙᒃᑐᖅ ᓄᓇᒥ ᐃᑭᐊᖅᑭᕕᖕᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᐅᕙᓂ, Far North,ᐃᒪᐃᓕᐅᕐᓂᐊᕐᓗᓂ:
ᐱᖓᔪᖓᑦ, ᑎᓕᐅᕆᔪᒪᓪᓗᑎᒃ ᓂᕈᐊᕆᔭᖃᕈᓐᓇᕐᓂᕐᒥᒃ ᐃᑭᐊᖅᑭᕕᒃᑯᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᐅᕙᓂ, Far North−ᒥ, ᐃᒥᐊᓗᓕᕆᔨᕐᔪᐊᒃᑯᑦ ᐱᐅᓯᒋᐊᖅᑎᑦᑎᕗᑦ Northwestel's wholesale Connect−ᒧᑦ ᐱᔨᑦᑎᕋᕐᓂᕆᔭᐅᕙᒃᑐᒥᒃ. ᑖᓐᓇ ᐱᔨᑦᑎᕋᐅᑎ ᑲᒻᐸᓂᓂᒃ ᐊᑐᖅᑎᑦᑎᓲᖅ ᐃᓚᖏᓐᓂᒃ ᓄᐊᔅᕙᔅᑎᐅᓪ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐱᑎᑦᑎᓗᑎᒃ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᓂᒃ ᐊᑐᖅᑎᓄᑦ ᐱᓯᓂᓯᓄᓪᓗ. ᐱᐅᓯᑎᑕᐅᒋᐊᕐᓂᖏᑦ ᐱᔨᑦᓯᐅᑏᑦ ᐱᒡᒐᓇᙱᓂᖅᓴᐅᓕᕐᓂᐊᖅᑐᑦ ᐱᑕᖃᕇᖅᑐᓄᑦ ᐊᒻᒪ ᓄᑖᓄᑦ ᐊᑭᑦᑐᕋᐅᑎᔪᓄᑦ ᐱᐅᓂᖅᐹᓂᒃ ᐱᔨᑦᓯᖁᓪᓗᒋᑦ ᓂᐅᕕᖅᐸᑦᑐᓄᑦ.
ᑭᖑᓪᓕᖅᐹᒥ, ᑲᑎᒪᔨᑦ ᓂᕆᐅᒃᐳᑦ ᐱᓕᕆᐊᖑᔪᑦ ᒪᓕᒐᖅᑎᒍᑦ ᐊᑐᐊᒐᕐᒥ ᐃᑲᔫᑕᐅᓂᐊᕐᓂᖏᓐᓂᒃ ᐱᐅᓯᒋᐊᕈᑕᐅᓗᑎᒃ ᐊᖏᕈᑎᒋᓯᒪᔭᖏᓐᓄᑦ ᐋᖅᑭᒋᐊᕈᑎᓄᑦ ᓄᓇᖃᖅᑳᖅᓯᒪᔪᓂᒃ. ᐱᓗᐊᖅᑐᒥᒃ, ᑖᓐᓇ ᒪᓕᒐᖅᑎᒍᑦ ᐊᑐᐊᒐᖅ ᐃᒪᐃᓐᓂᐊᖅᑐᖅ:
ᑕᒪᓐᓇ ᐱᓕᕆᐊᖑᓂᓕᒫᖓᓂ, ᐃᒥᐊᓗᓕᕆᔨᕐᔪᐊᒃᑯᑦ ᐃᓚᐅᑎᑦᑎᓚᐅᖅᐳᑦ ᓄᓇᖃᖅᑳᖅᓯᒪᔪᓂᒃ, ᐃᓚᒋᔭᐅᓪᓗᑎᒃ ᐅᐸᒍᑎᓪᓗᑎᒃ ᑲᒪᒋᔭᐅᒋᐊᓕᑦ ᐱᓕᕆᐊᖑᓚᐅᖅᑐᑦ ᐃᓚᒋᔭᐅᓪᓗᓂ ᐃᒥᐊᓗᓕᕆᔨᕐᔪᐊᒃᑯᓐᓄᑦ Research on telecommunications services in Northern Canada ᖃᐅᔨᓴᕐᓂᖅ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ ᐅᑭᐅᖅᑕᖅᑐᒥᑦ ᑲᓇᑕᒥ, ᐃᓄᓕᒫᖅᑎᑦᑎᑎᓪᓗᒋᑦ, ᑎᓕᐅᕆᓪᓗᑎᒡᓗ ᐃᓚᐅᖁᔨᓗᑎᒃ ᑎᑎᖅᑲᑎᒍᑦ ᓇᒃᓯᐅᑎᓂᒃᑯᑦ. ᐃᓱᒪᒋᔭᐅᔪᑦ ᐱᔭᐅᓚᐅᖅᑐᑦ ᐊᑑᑎᖃᒻᒪᕆᓚᐅᖅᑐᑦ ᓴᖅᑭᑦᑎᓂᖕᓂᑦ ᐆᒥᖓ ᒪᓕᒐᒥᑦ ᐊᑐᐊᒐᒥᑦ.
ᓴᖅᑭᔮᖅᑎᒃᑲᓐᓂᕈᒪᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓚᐅᓂᖏᑦ ᑎᓕᔭᐅᓯᒪᔪᑦ ᑲᑎᒪᔨᑦ ᐱᓕᕆᐊᓕᒫᖏᓐᓂᒃ ᓇᓗᓇᐃᖅᓯᓗᑎᒡᓗ ᐊᔾᔨᒋᔭᐅᙱᑦᑐᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓄᐃᑦ ᖃᐅᔨᖃᑦᑕᖅᓯᒪᔭᖏᑦ ᐃᓱᒪᒋᔭᐅᓂᖏᓐᓂᒃ ᐱᓕᕆᐊᓕᒫᖏᓐᓂᒃ, ᐃᒥᐊᓗᓕᕆᔨᕐᔪᐊᒃᑯᑦ ᓴᖅᑭᑦᑎᓚᐅᖅᐳᑦ, Indigenous Relations Team (ᓄᓇᖃᖅᑳᖅᓯᒪᔪᓂᒃ ᐱᓕᕆᖃᑎᒌᓂᒃ). ᐱᓕᕆᖃᑎᒌᑦ ᒪᓂᒪᑎᑦᑎᕙᒃᐳᑦ ᐱᓕᕆᐊᖃᓪᓚᕆᒍᒪᔪᒥᒃ ᖃᐅᔨᒋᐊᕐᕕᖃᕐᓂᕐᒥᒃ ᑲᒥᓴᒋᔭᐅᔪᒥ ᓄᓇᖃᖅᑳᖅᑐᓄᑦ ᑐᕌᕆᔭᖃᖅᖢᓂᓗ ᐱᐅᓯᒋᐊᖅᑎᑦᑎᓂᕐᒥᒃ ᐃᓚᐅᑎᑦᑎᕙᖕᓂᕐᒥᒃ ᓄᓇᖃᖅᑳᖅᑐᓂᒃ ᐃᓄᖕᓂᒃ, ᐃᓚᒋᔭᐅᓪᓗᓂ ᐃᑲᔪᖅᑐᐃᓂᒃᑯᑦ ᐃᓚᐅᓂᕆᔭᖏᓐᓂᒃ ᑎᓕᓯᔾᔪᑕᐅᔪᓄᑦ ᐱᓕᕆᐊᖑᔪᓄᑦ.
ᑖᓐᓇ ᐊᑐᐊᒐᐅᔪᖅ ᐋᖅᑭᒃᓯᓯᒪᔪᖅ ᐊᖅᑯᑎᒃᓴᒥᒃ ᓯᕗᒻᒧᑦ ᐃᑲᔪᕐᓂᐊᕐᓗᑎᒃ ᐱᐅᓯᕙᓪᓕᑎᑦᑎᓂᕐᒧᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔨᑦᓯᕈᑕᐅᔪᓂᒃ ᐅᑭᐅᖅᑕᖅᑐᒥ. ᓴᖅᑭᖦᖢᒋᑦ ᑖᒃᑯᐊ ᐱᔾᔪᑕᐅᔪᑦ ᐱᒻᒪᕆᐅᖕᒪᑕ ᐊᔪᕈᓐᓃᖅᑎᓪᓗᒋᑦ ᑕᐃᒃᑯᐊ ᐅᑭᐅᖅᑕᖅᑐᒥᐅᑕᐅᔪᑦ ᐃᓚᐅᑦᑎᐊᕈᓐᓇᖅᓯᓗᑎᒃ ᐅᓪᓗᒥ ᒪᑭᒪᔾᔪᑎᓄᑦ ᐊᒻᒪ ᐃᓅᖃᑎᒌᓄᑦ. ᐃᒥᐊᓗᓕᕆᔨᕐᔪᐊᒃᑯᑦ ᖃᐅᔨᓴᐃᓐᓇᕐᓂᐊᖅᐳᑦ ᖃᓄᖅ ᑐᓴᐅᒪᔪᓕᕆᔾᔪᑎᓄᑦ ᐱᔨᑦᑎᕋᐅᑎᑦ ᐱᓕᕆᐊᖑᓲᖑᖕᒪᖔᑕ ᐅᑭᐅᖅᑕᖅᑐᒥ ᐋᖅᑭᒋᐊᖅᐸᒡᓗᓂᒋᑦ ᐱᓕᕆᔾᔪᓯᖏᑦ ᑕᐃᒪᐃᑦᑕᕆᐊᖃᕌᖓᑕ.