Hivatauyakuugutit Maligaliligiyiit Pikuyakhait CRTC 2025-9

Ottawa, 16 January 2025

Inuit titigautait: 8622-S93-202008482, 1011-NOC2020-0367, ovalo 1011-NOC2022-0147

Hivatauyakuugutait Ukiuktaktumi Naitumik Ukautait

Knatami piyumayut atulaagutainik nakuuyumik akituvalaangitumik ovalo kayumiktumik hivatauyakuugutikhait ikayugutikhainik tamaat Inuuhiinik.

Katitinahuagiaganik Kanatami angiyuk ovalo akituyut amigaituni inugiaktuni Kanatami; ukiuktaktumi kihimi, ayokhagutait ovalo akiit angiyut akhut. Ukiuktaktumi ilauyut hanianut 40%mik Kanatami nunaanut, angilgagihimayait 0.3%mik Kanataup inuukatigiinut. Kitkanit ukiuktaktumi nunalaat avaliitut ilaulaaktut talvatuak hilakut. Hamna avaliituutaa ayokhagutigilikpaktut ovalo akituvlutik hanayaagasnik ovalo munagiyaanganik hivatauligutait atuktainik.

Tuhaktinahuagiaganik hapkonani piniaktait, Kamisitkut kinikhialiktut ikayugutikhainik kitkaniitunut ihumagiyait niuvikpaktut ovalo busniit ukiuktaktumi. Tamaat, avataaniitut 250nik ilaukatauyut, Inuit ovalo Kagitauyanik atuktut ikayuktunut (ISPs) pikatigiyait ihumagiyainik, ilauyut 23nik ilauhimayut Naalaktihimagamik Whitehorsemi, Yukon. Hapkonani tunihimayut, Kamisitkut tuhakhimayut hapkonanik:

• Kagitauyakuugutit akiit Ukiuktaktumi akituyut;
• Nakuutjutait kagitauyakuugutit ikayugutait Ukiuktaktumi ikitut ovalo inihalaitut ilanganut Kanatami;
• Pikaluangituk aalatkiinik atulaaktait ISPnik, pipkaingitait niuvigumayut aalatkiinik atulaaktainut akiinik kagitauyakuugutait ikayugutikhait; ovalo
• Ihuakhaitjutikhait piyukhat takulugit ikayugutikhait hivuliani ihuakhaitjutikhainut Nunakakaakhimayut.

Hamani maligaliligiyiit pikuyakhait, Kamisitkut piliktut ikayugiaganik munagilugit hapkoa ihumaalugutait.

Hivulimi, ikaygutikhait akiit akililaaktainik, Kamisitkut tuhaktiliktut tatkikhiutaiik ikayugutikhait. Tamamik Iglukaktut Ukiuktaktumi pilaaniaktut ikayugutikhainut, kinaugalualutik Kagitauyakuugutainik munagiyut. Ukautait hapkoa ikayugutikhait iniktiniaktut ilanganut atulaktigumik ublumi.

Aipaanik, amigainahualugit nakuuyumik ovalo atulaaktainik Kagitauyakuugutit ikayugutikhait Ukiuktaktumi, Kamisitkut pinialiktut Northwestelkunut (Northwestel), atuktiyut atugutikhaiik Nunangani Kagitauyakuugutit ikayugutikhait Ukiuktaktumi, imaatut:

• Tunilutik kilamik akiliktakhainik ikayugutikhainut niuviktut ovalo busniit Nunangani Kagitauyakuugutit ikayuktiit pilaitkumik ubluk tamaat 24nik ikaaninik ovaluniit avataanut. Hapkoa ikayugutikhait tunilaaktut manikhainut uktugutikhainik keelinikaktunik nutkakatagutainik ovalo ihuakhilugit kagitauyakuugutait nakuutjutainik.
• Tunilutik ukiuk tammaat kagitauyakuugutit nutkakatagutainik Ukiuktaktumi. Kamisitkut kungiaginaniaktait kapaniit hivumuutjutait ovalo ihuakhaipkalugit nani ihuakhiyakhainut.

Pingahuani, pipkaiyaanganik aalatkiinik atulaaktait kagitauyakuugutit ikayugutikhait Ukiuktaktumi, Kamisitkut ihuakhaiyukhat Northwestelkut Tanaat Katitigutait ikayugutait.
Hapkoa ikayugutikhait pipkaiyait kapaniit atulaagutainik ilanginut Northwestelkut atuktainik tuniyaanganik Kagitauyakuugutikhait ikayugutikhainik niuviktunut ovalo busniit. Ihuakhaitjutait ikayugutikhainik ihuakhilaaktuk ovalo nutaamik aalatkiinik tunilaaktut kayumiktunik kagitauyakuugutikhait ikayugutait niuviktunut.

Kingulimi, Kamisitkut piyumayut naunaiyagutikhainik pihimayait hamani maligaliligiyiit pikuyakhait ikayulaaktunik nutaanik piniaktainut ihuakhaitjutikhait Nunakakaakhimayut. Ilaa; hapkoa maligaliligiyiit pikuyakhait piniaktut:

• Tuhaktilutik ilanganut ovalo akhut atugutikhainik kayumiktunik;
• Mikhitiklugit kagitauyakuugutait pikataktainik Nunakakaakhimayut Ukiuktaktumi;
• Hivumuulugit hanatiligiyiit ihuakhaitjutikhait pipkailugit Nunakakaakhimayut-ottkwned Kagitauyakuugutit ikayugutait munagiyut hanayaanganik inminik atulaagutainut havakatigiigutikhait ovalo tunilugit inminik ikayugutikhainik; ovalo
• Ihuakhailutit Nunakakaakhimayut atulaagutainik nakuuyumik, akituvalaangitumik ovalo kayumiktunik hivatauyakuugutini ikayugutikhait.

Ilanganut hamani, Kamisitkut ilauhimayut ilanganut Nunakakaakhimayut, ilauplugit ilaukatauyunut pihimayainik ilangani Kamisitkut Research on telecommunications services in Northern Canada, Naalaktigutainik ovalo pitkulugit ilaukatautjutikhait titigaklutik tuniyaanganik. Ihumagiyait pihimaliktait nakuuyut hanayaanganik hamani maligaliligiyiit pikuyainut.

Tuhaktiyaanganik amigaitunut Nunakakaakhimayut ilaukatigiyakhait tamamik Kamisitkut naalaltigaagamik ovalo pipkailutik nunaani ovalo inuuviani pikataktainik Nunakakaakhimayut ihumagilugit tamaat havakvianut, Kamisitkut hanahimaliktut ilanganut Indigenous Relations Team. Havakatigiiktut tuniniaktut takuvikhainik ilanganut Kamisitkut Nunakakaakhimayunut ovalo pinahuaktainik ihuakhihimayunik ilautjutait Nunakakaakhimayut, ilaulugit ikayugutikhait ilautjutait Kamisitkut Naalaktiligumik.

Hamna maligaliligiyiit pikuyakhait ilihimayut atugutikhainik ikayugiaganik ihuakhaitjutikhait hivatauyakuugutainut ikayugutikhait Ukiuktaktumi. Munagilugit tahapkoa ihumagiyait pikataktut pipkaiyaanganik tahapkoa nunakaktut Ukiuktaktumi ilauyaanganik tamaat ublumi inuuhitjutainut. Kamisitkut pikataniaktut kungialugit kanuk hivatauyakuugutit kagitauyakut ikayuguttait tunilikpaktut Ukiuktaktumi ovalo ihuakhailugit pikataktainik pilaagumik.