CRTC 2025-10 k’e dè Telecom dagogehke ha yatı̀ı goda negıı̀ɂa ha

Ottawa, 16 Edaedzęę̀cho Zaà 2025

Dǫne T’ala Yèɂı̨ Ha Dı̀le: 1011-NOC2025-0010

Dǫ t’ala yık’e hayahtı ha dı̀le – Wek’è eghàlada xè Edzanèk’e satsǫ̀ wet’à ełets’ǫ̀ gots’ede sı̀ı wet’à dǫne ts’àdı ha

Weghǫ esahdı ha dè edexè nı̨htł’è sèałeha [18 Sanek’ǫ̀ą Zaà 2025]

K’e nǫde nı̨htł’è sèałe ha [28 Sanek’ǫ̀ą Zaà 2025]

[Weghǫ esahdı gha hanı̀-le dè weghǫ nı̨htł’è ghàts’eda]

Yatı̀ı Nek’ǫ̀ąa

Dı̀ı Commıssıon federal, ı̨daà nèk’e eyıts’ǫ edzanèk’e ts’ǫ government dı̀ı la ts’ǫ̀dageèdı hǫt’e t’à hotı nezı̨, detı̀-lea wet’à ełets’ǫ̀ gots’ede gı̨wǫ xè hazhǫ Canada k’ezhı̀ eyıts’ǫ eyı̀le nèk’e gha hanı̀ ha gı̨wǫ. Dı̀ı hanı la Edzanèk’e t’a sı̀ı̀ dı̀ı la wı̨ı̨̀dı-le, kǫ̀ta goı̨̀wa łets’ǫ̀ whela, dǫne łǫ sı̀ı łegà nàde-le eyıts’ǫ dǫne łets’ǫ̀ goı̨̀wà nàgedè-le t’à wı̨ı̨̀dı-le eyıts’ǫ ası̀ı hohłè ha dè sı̀ı detı̀ eyıts’ǫ dı̀ı wet’à gots’ede sets’ı̨whǫ gha sı̀ı wı̨ı̨̀dı-le. Dı̀ı hanı wet’à ełets’ǫ̀ gots’ede k’ets’eɂa edzanèk’e nàedı ha dè sı̀ı̀ detı̀ eyıxè nàedı ha dè sı̀ı detı̀, Canada k’ezhı̨ weghàts’eda nı̨dè edzanèk’e sı̀ı ı̨da nèk’e detı-le eyıt’à dǫne łǫ edzanèk’e nàdè dı̀ı hanı nàgehdı̀ hadı̀.

Dı̀ı edzanèk’e nàts’ehdı ha dè, edzanèk’e ası̀ı hazhǫ detı̀, Canada k’ezhı̀ lanı̀-le, Commıssıon yatı̀ı neyı̨̀ɂǫ, dǫne edzanèk’e nàdè sı̀ı dı̀ı hanı nàgehdı̀ ha dè dı̀ı nàowo weghà 2025-9 dǫne gıts’àdı̀a gedı. Dǫne hazhǫ edzanèk’e nàdè, dı̀ı hanı nàgehdı ha dè gıts’àdı ha dı̀le, fǫ̀ edàawhı̀t’ı̨ t’àget’ı neèhò ı̨ła gıts’àdı ha. Dı̀ı hanı̀ dǫne ts’ahòdı nı̨dè sı̀ı̀ gıgha wet’aɂà ha eyıts’ǫ gıgha wet’aɂà xè detı̀ haà-le, edzanèk’e wet’à łets’ǫ̀ gots’ede edàehtı̀ sı̀ı ı̨da nèk’e Canada k’ezhı̀ xèht’e lanı̀ adle ha gı̨wǫ.