2025-10 CRTC Met’áh Gots’endeh megháádé ełets’ę́ gots’endeh

Ottawa, 16 January 2025

Azhǫ dene gogha gondı ǫt’e: 1011-NOC2025-0010

Meghǫ danáhthę́ sı́ı mets’ęhk’eh gots’ę́ gahndeh- Yudáá Góhdlı Ndéh k’eh edı̨ satsǫ́ ahsı́ı łǫ kenandı́h ts’ęhk’eh káa dulé ahsı́ı kats’edetł’éh

Edı̨ sa medhéh gondı mek’eh nagoąthı [18 February 2025]

Edı̨ sa medhéh gots’ę́ gahndéh [28 February 2025]

[Dáondıh t’ah mets’ę́ séegoałéh gha gondı gots’ę́ nı̨nahɂá ı̨́le énıdé azhı́ı gondı mets’ęhk’eh nahéts’ę́ nı̨genelá sı́ı meghánda]

Gondı met’áodéɂá łáot’e nı̨ts’ıdháa

Edı̨ dáondıh ahsı́ı ts’ę́ eghálats’uda la Saámba nalee,yundaa gots’ęh Góhdlı Ndéh ts’ę́ k’ahodéh-ke ełexee nezų ahsı́ı ǫláa, ahsı́ı detı́ le, gots’ęh satsǫ́ ahsı́ı łǫ kenandı́h sée nezų azhǫ ndéh k’eh Canadians gogha séets’uléh. Edı̨ eghálaeda la yudáá Góhdlı Ndéh mets’ęhk’eh gogha godęzhı́ı, atł’áa godı̨ kų́ę́ denı̨lá sı́ı duɂǫ nıdháa ehłehch’á nats’edéh, kı́ı dene łǫ kǫ́tah nadéh le, gots’ęh dáondıh ndéh ełı̨ sı́ı megháádé godezhı́ı gots’ęh godı̨ satsǫ́ tł’uh k’éothet’ı gots’ęh megháádé ahsı́ı ts’ę́ eghálats’enda chu mets’ę́ eghálaeda chu duɂǫ detı̨. Yudáá Góhdlı Ndéh chu satsǫ́ tł’uh k’éothet’I megháádé satsǫ́ ahsı́ı łǫ kenandı́h gots’ęh met’áh ełets’ę́ gots’endeh káondıh ts’ęhk’eh chu duɂǫ godétı̨, azhǫ Canada goghá énıdé sée eduhdáa gha ahsı́ı détı̨,ezhı́ı mets’ehɂǫ kǫ́tah edı̨ satsǫ́ ahsı́ı łǫ kenandı́h t’ah eghálagenda gha goghá godezhı́ı.

Yudáá Góhdlı Ndéh ahsı́ı détı̨ mets’ęhk’eh chu łat’áh k’ét’ą́ą́ agogeléh gha,atł’áa azhǫ Canada goɂǫ ahsı́ı détı̨, ezhı́ı t’ah edı̨ edı̨htł’éh sı́ı megháádé amı́ı ahsı́ı met’áh eghálaeda goghǫ náendı́h énıdé ezhı́ı mets’ęhk’eh amı́ı edeghá egháleda gogéhts’I sı́ı łat’áa gots’agendı́ gha, ezhı́ı ts’ęhk’eh edı̨htł’éh nátse la 2025-9 ǫt’e. Amı́ı satsǫ́ ahsı́ı łǫ kenandı́h ts’ęhk’eh t’ah gots’agendı̨ sı́ı, azhǫ yudáá Góhdlı Ndéh ezhı́ı ts’ęhk’eh t’ah gots’agendı gha. Łat’áa  gots’agendı̨ la met’áh kǫ́tah amı̀ı edeghá eghálagenda gogehtsı̨ sı́ı megháádé gots’aodı̨h gha gots’ęh met’áh satsǫ́ ahsı́ı łǫ kenandı́h ts’ęhk’eh eghálats’enda k’et’ą́ą́ andéh gha gots’ęh godı̨ Canada gots’ęh gonáá eduhdáa káondıh met’áh eghálaeda chu mets’ęhk’eh nezų agondéh gha.