Ottawami, 16mut January 2025
Titigagutikhangit Tuhaktakhait: 1011-NOC2025-0010
Uminiaktut tuniyakhait tuhaktiyumayunut: [18mi February 2025]
Umiktigutikhait tuniyakhainut kiutjutait: [28mi February 2025]
[Stunilugit tuhaktiyumayainik ovaluniit Ihumagiyainik mikhaanut makpigaat]
Kamisitkut ikayuktut angiyumik uktugutikhainut Kavamatukatkuni, Pravinsini ovalo Nunangani Kavamatkuit ikayugiaganik nakuuyumik, akituvalaangitumik ovalo kayumiktunik tuhaktigutikhait atugutikhainut tamaat Kanatami. Hamnai havaangit ikpinagiyauyut Ukiuktaktumi, nani avaliitut nunalaat, Inugiaktivalaakhimaitut ovalo nunanganut ayokhagutigilikpaktait ovalo akituvulutik hanayaanganik ovalo munagiyaanganik tuhaktigutikhait atugutikhainut. Akitukpiagutait tuniyaanganik tuhaktigutikhait ikayugutikhainik ukiuktaktumi akituktivaktait akiit aalanganit ilanganut Kanatami, atugutikhait kagitauyakuugutikhait akituvalaalikpaktut amigaitunut Ukiuktaktukmiunut.
Ihuakhiyaanganik akituvalaangitjutait Ukiuktaktumi, nani inuuyaanganik akituyut ovalo anginikhaanguyut aalanit Kanatami, Katimaitkut angihimaliktait tuhaktigutikhainik niuviktigutikhait kagitauyakuugutit ikayugutikhainik Hivatauyalikiyinut Maliktigutikhait Pikuyakhait 2025-9. Tamamik iglukatigiit ukiuktaktumi pilaaniaktut ikayugutikhainik nakuuyumik Ukiuktaktukmiut ovalo ikayuklugit mikhitigutainik akiit kitkanit Kagitauyalikiyiit ikayugutikhait atuktainut ilangani aviktukhimayunut ovalo aalanut Kanatami.
Kamisitkut autlaktinahuaktut hafumanik tuhaktigutikhainut kinikhialutik ukagumayunut kanuk iniktilaaktut hapkoa ikayugutikhait. Ilaa, ihumagiyait ukagumayainik titigakhimayut hamani “Kinikhiayut Ukaktukhanik” ilangani hamna tuhaktigutit. Tuhagutikhait kanuk ilaulaaktut naalaktiligumik nanilaaktut iniktigutaini hamani tuhaktini.